第二層肌膚 @ Satami

又喺為咗準備Pre-Wedding，試完件Pre-Wedding嘅Gown，見到個若隱若現嘅小肚腩，就知道至前買咗嘅Girdle可以派上用場。但諗起澳洲30幾度，著住Girdle應該會溶….所以轉陣，起用NuBra加束褲。

已有NuBra喺櫃桶，所以只需搜獵束褲。

俾廣告耳濡目染，Lunch Time一支箭咁飆咗去Satami。由於目標明確，入到去大叫一聲：「我要買束褲」，Sales姐姐瞄我一瞄，就俾咗條肉色束褲我去試(其實非常咁老土)。有別於bras，束褲只有S/M/L。一穿上去，不得了，小肚腩即時消失（感動）仲托起埋個PATPAT（拍手），老土嘅感覺都拋諸腦後。十五分鐘內就完成呢宗交易，承惠JHK$358。

見到Satami D functional bras都喺300幾蚊，有D款都幾靚，決定下次嚟買bras同束衣，改善寒背。