如題，12個月前，Mr. N 失驚無神送上鑽戒。老實，真係出乎意料。
Mr. N 是一個極度認真, 謹慎嘅人（well , sometimes I see this as 婆媽）佢用咗兩年時間，思前想後，先決定展開追求。
可能多得佢諗得咁清楚，一路佢都好珍惜，我脾氣的壞佢都處處忍讓，我地一路都相處得好好，無咩拗撬. （好難得㗎，以前真係個個都鬧到翻天覆地）
雖然佢缺乏情趣， 但間唔中我都會諗，可以細水長流既，都喺呢個㗎啦。
理智地估，拍拖佢都諗咁耐，結婚無7年8載都唔會發生。我又無咩所謂, 反正好享受一路嘅生活，所以一直無提、無討論過結婚呢個話題、亦都無咩期待。
上年呢個時候 (我地拍拖四年)，Mr. N公司要佢放洋training 半年...飛之前咁啱喺我壽辰。毫無surprise , 佢book咗我嘅飛佛 Sabatini。
席上佢送咗一張心形Lego生日卡（又毫無特別，你一定係Log-On見過）。
食到尾段，毫無驚喜地我知道又係上蛋糕嘅時候啦。我唔鐘意make a scene...所以細細聲問：「你無叫Iive band過黎唱歌㗎呵？」
Mr N :「無...無...點會」（佢除咗無情趣，亦唔擅長講大話）
之後，就借尿頓 （我仲懶叻咁諗，好釆阻止咗你，點知...最豬喺我...)
佢一回到座位，我就想同佢講我要去washroom , 肚痛啊！
喺未開口之前，佢突然問：「你張卡喺咪少咗d野？」好奇地摷吓個袋，有咩？
回頭，Mr. N 揸住一個Lego 男仔，個Lego男仔又揸住一隻戒指！例跟句：「Will you marry me?」（呢句十分無新意，但好新鮮，無人同我講過嘛）
呆咗。堅係呆咗。
嚇左一大跳! 因為向來佢d "surprise"都好易俾我識穿, 今次完全蒙在鼓裡
當刻...我既感覺係...oh...我好肚痛（totally killing the mood)
But still manage to give the most important reply of my life
"Yes , of coz Babee"
之後我舊蛋糕就送上 。吹完，我飛入廁所，坐低，泠靜落黎，oh that's it?!
One knee down 呢？花呢？
出去，問佢. Mr. N 一臉天真咁話
「你啱啱話唔想make a scene㗎嘛」
(oh yes I did...fxxk)
「你話唔鐘意花，寧願實際d，所以我買個靚d既蛋糕」
（oh yes I did too... double fxxk)
就咁，my one and only one proposal night ended
我居然無喊!!!!
沒有留言:
發佈留言