婚紗...然後到頭紗

揀完條婚紗,係時候揀吓配件 (Attire呢個項目真係沒完沒了)

First of all, 頭紗 .

揀婚紗既時候放左唔少心機時間去研究, 到頭紗呢..就一籌莫展...

見到有個website話你知 "How to choose your wedding veil in 12 steps"

(http://www.wikihow.com/Choose-a-Wedding-Veil)

好, 我就簡單地跟住以下幾個基本條件考慮諗要乜樣嘅頭紗:

大驚喜！"失以復得" 的 Tadashi Shoji!!!

之前買咗件深藍色Tadashi Shoji晚裝， 點知母親大人黎手ban咗，因為話新娘子唔可以着藍色云云...傷心地轉讓咗俾有心的wow友。

嘗試揾番同款心儀嘅杏色...揾咗好一陣子，網上都無貨...心灰意冷

放棄啦, 去咗Run For The Dream, 試咗Lusan Monqiuelle 同 Marchesa, 都好睇, 但無好鐘意好鐘意嘅感覺... 諗住去埋Miss Bride睇埋, 就係呢兩間之中定下吧，無心機再纏繞

往往都係咁，你放棄，佢就出現。

老爸的嫁妝

今晚得我跟老爸係屋企食飯，開飯前老爸帶住好平常既口吻咁講 : 「結婚洗好多錢, 我唔去買野俾你啦,你羅呢d錢去用啦. 」

跟著遞上筆直支票一張。 一望... 我啞了....

我家乃尋常人家一戶， 老爸亦已退休了，我知道這銀碼佔他戶口不少...雖說我一定會繼續供養他倆，但不代表我可以收他那麼多旁身錢...

所以對他說清我們的婚禮是在預算中, 負擔得起 (我開始相信我喺淘寶買到一屋都係既野令佢以為我真係要洗好多好多錢....) 不如你去買少少金俾我就好了。 點知佢話, : 「金器，親戚們會送你， 同埋你要咁多金黎做咩? 」 (又啱喎佢!)

沖左個涼， 思前想後， 他們養我咁多年， 都係唔可以再收佢地咁大既恩惠。 所以都係拎番張支票俾老爸... 發現老爸有少少不悅, 可能覺得我唔領情... 其實咁樣係唔係好不孝呢....但我真係唔可以"無神神"收佢咁多錢呀....

嚴重out筆 - 他的褂

我有一個好無謂的情意結, 覺得早上出門我跟Mr. N要一齊著中式褂, 務求襯番一套

有次同佢提起我呢份"情意結", 佢好大反應, 一盤冷水咁話: 「我唔會放個波 (壽球)係心口度」. fine...

好彩上次表姐出嫁, 表姐夫係著Cocoon既男裝潮褂, Mr. N 指住話: 「呢d咁樣就ok」(緊係ok啦, 你買米唔知米貴...)

上趟去Cocoon自己試潮褂時, 已經默默咁幫佢相埋男褂. 單租成三千大洋, package租(即係連潮褂一齊租)夾埋好似五千大洋左右, 平少少啦.

Etsy Wedding Hangers到步了~

工作極忙，但心情是大喜的！

即將奔走Bali擁抱villa與spa 嘅同時，收到Etsy訂左嘅wedding hangers!

由落單到收貨, 前後一個月左右~比想像中快!

智者老爸同母親大人見到我又有箱野寄黎, 掉低左句: 「又訂左一箱乜番黎, 成個雜物房都堆滿你地d無謂野啦！」

「呵呵, 今次你地有份架~」兩位大人就兩眼發光~開心開心