我有一個好無謂的情意結, 覺得早上出門我跟Mr. N要一齊著中式褂, 務求襯番一套
有次同佢提起我呢份"情意結", 佢好大反應, 一盤冷水咁話: 「我唔會放個波 (壽球)係心口度」. fine...
好彩上次表姐出嫁, 表姐夫係著Cocoon既男裝潮褂, Mr. N 指住話: 「呢d咁樣就ok」(緊係ok啦, 你買米唔知米貴...)
上趟去Cocoon自己試潮褂時, 已經默默咁幫佢相埋男褂. 單租成三千大洋, package租(即係連潮褂一齊租)夾埋好似五千大洋左右, 平少少啦.
雖然最後都係都隨自己意願揀左傳統褂, 放棄左著Cocoon, 但係無忘記過件男褂...
早排孖待嫁姊妹去Cocoon朝聖, 又借頭借路係度睇男褂
你知兩個女仔一人一句, 加個sales講多兩句... 又話好日子, 好多人book左啦, 要快手d...
咁我就打俾Mr. N : 「Hey, 我幫你租表姐夫個d褂好嗎? 」
明顯睇緊電視唔記得問價錢既Mr. N: 「好呀, 你話事啦, 我無咩所謂 」(yeah~~我會默默地係我d既基金扣架啦~hahahaha)
當下係姊妹同sales遊說下hold左一件新番的, sales話因為男友無黎俾我地免費轉一次款. 偷偷地影底拎返去俾佢睇 ... (中間深紅心口有龍嗰件)
點知佢話: 「有條龍係個心口, 咁似包青天隔離個兩個王朝馬漢既」(我暈...) 唯有上去轉左個款
男人就係咁, 口講: 「無所謂, 無所謂. 」上到去開始試就左揀右揀, 試黎試去搞大半粒鐘!!
最後情定呢款嘅棗紅色版
即喺朱凱婷老公嗰套～
老實, 單租一件男褂開價$3k , 確係好"庸"...
但係佢落樓後自己同自己講左句: 「個sales講得無錯, 真係既fit我身, 著得我幾型. 」(傻佬,佢地同個個都係咁講架啦, 不過呢句我收起左). 令佢開開心心, 型型仔仔咁黎接我過門, 呢筆錢我又洗得高興~
Mr. N的褂受到很多讚美及歡呼~~
沒有留言:
發佈留言