今晚得我跟老爸係屋企食飯,開飯前老爸帶住好平常既口吻咁講 : 「結婚洗好多錢, 我唔去買野俾你啦,你羅呢d錢去用啦. 」
跟著遞上筆直支票一張。 一望... 我啞了....
我家乃尋常人家一戶, 老爸亦已退休了,我知道這銀碼佔他戶口不少...雖說我一定會繼續供養他倆,但不代表我可以收他那麼多旁身錢...
所以對他說清我們的婚禮是在預算中, 負擔得起 (我開始相信我喺淘寶買到一屋都係既野令佢以為我真係要洗好多好多錢....) 不如你去買少少金俾我就好了。 點知佢話, : 「金器,親戚們會送你, 同埋你要咁多金黎做咩? 」 (又啱喎佢!)
沖左個涼, 思前想後, 他們養我咁多年, 都係唔可以再收佢地咁大既恩惠。 所以都係拎番張支票俾老爸... 發現老爸有少少不悅, 可能覺得我唔領情... 其實咁樣係唔係好不孝呢....但我真係唔可以"無神神"收佢咁多錢呀....
這事件還是讓我十分十分感動(眼紅)... 我爸他平時為人木納、節儉成性, 我出嫁他們已經沒有要求禮金, 而家還送上厚禮...
我現在明白,平常嘴邊不會提著, 但不論你已經長大、 有能力, 他們還是覺得要將最好的留給你....
老爸, 多謝你
沒有留言:
發佈留言