我的完美花球

事實，我一直都唔係好重視花球呢項。選了Miracle只因係同事重點介紹，加上係港島區，方便大日子前攞花。

無心插柳的，往往係最喜出望外的一個項目!

這開花店有一個特色，係要求新娘自己選20張心儀嘅花球嘅reference photo係婚禮前2星期交俾佢，佢會同你分析你嘅喜好，最重要係睇吓花期fit唔fit度你嘅preference .

老老實實，臨尾忙到䃿都甩的時候、仲要做多樣功課，確係覺得：「買扎花啫，洗唔洗呀。」

But anyways ，我都用咗30分鐘Google 咗20張相交功課去～

店主Yen花了一個多小時"interview" 咬住個麥記包做lunch 嘅我。interview 題目主要係圍繞鐘意d乜，點解鐘意嗰d啦。都無咩特別。

好啦，攞花啦～佢叫我要親身去，因為有咩要當場修改。（OMG, 我d gowns 都無咁多野要搞orz)

但當Yen 係我身後拍拍我，轉身見到自己的花球，真係大叫，然後彈跳！！！唔係講笑，佢做咗我first choice 俾我！！靚到我同阿妹嘩嘩嘩嘩聲叫！完全中我紅心 (side note: 佢話我知我好好采，因為係我去攞嗰個朝早先返到白牡丹，原本佢打定輸數，做定多個back-up俾我)

再show 四大長老corsages , 都心心眼。最妙係之後放咗係屋企足足一星期有多，仍然嬌豔！amazing !!!

呢個喺4日後的模樣～

頭花先誇張。以下非一扎花束，係我D頭花，多得可以放滿我三個頭！Yen 見我係yellow theme, 送多咗其他非我花球的黃色花花俾我～

仲有感謝花束, 係足以用一盆黎形容LOL (可惜我無用自己電話影到，要等有 photographer D相先有得share)

 

當日，除咗我同我老公，竟然最多人係要求同我的bouquet 合照，死未～哈哈

過話說在前，真的一分錢一分貨。我這裡花了近四千大洋，價錢泊住兩個A字大牌（汗，老公仲未知價，話硬）。

但今次在花花上，服務品質真喺加零一，我錢俾得無怨無悔!