來自Mrs. 的第一篇

終於被冠上 "Mrs."之銜頭!!! 幾個月無update, 有好多想分享。

首先係感受。呢項係最多感概嘅一環。

話說一路都持住自己屬於細搞（無擺酒，淨係行教堂同夜晚細細哋同親友吃個飯），所以一直都無咩好緊張咁。

話就話細搞，以為一早搞點D大items就可以印印腳， 其實the devil is in the details! 大量突發事件出現，包括bridesmaid有喜，banquet vendor 出事面臨要換等等。亦太輕視rundown的重要性，一直以為自己輕輕鬆鬆，點知出門＞教堂＞晚宴原來非常緊湊! 仲要一開始對教堂的時間安排過份樂觀，點知原來weekend 教堂行禮嘅新人係一對緊接一對, 理想的小型茶會唔冼諗，處理300多賓客的安排更加令人頭痛。

傳說中婚禮的壓力係最後個半月終於見識到。加上大婚之前3個月，工作量好似湧泉咁湧出來，day day 朝8 晚11。咁啱Mr. N 婚前一星期要考大試，壓力我一個人孭起。

跟隨住嘅係精神緊張同睡眠不足，開始斷頭髮,平日皮膚唔錯的我，居然係2個星期前塊面開始出粒粒，到最尾一個星期仲要係鼻樑隔離爆咗粒瘡!!慘不忍睹啊! 最後搞到要去皮膚醫生到打支針落去急救減瘡...心情真的很差

老老實實，大日子之前嗰1個月絕對有"唔嫁好過"嘅諗頭，實在心灰意冷。

好彩嘅喺母親大人，智者老爸同阿妹見我咁緊張，主動伸出溫暖的援手，幫我搞咗好多好多嘢。加上我們兄弟姊妹真心賣命幫忙，大日子先可以如願完成。其實真係好感恩。

成為其中一位過來人，我真的好想同各位B2B分享:

1. 女孩子對婚禮細節的追求是明白而不可避免的，但唔好迫自己力求完美 , because, trust me, afterall no one cares about the color of your cake, the style of your shoes and every single details you have planned!! not even yourself!

2. 緊張底的話，所有細節包括rundown, song list, accessories, food tasting etc請早3個月準備，有咩突發都有時間buffer, don't stress yourselves in a short period of time

3. 唔需要因為你老公唔幫手而心存怨氣，首先99％男人都唔會伸出援手，第二佢伸咗都無用因為其實佢做D咩都meet唔到你expectation,所以話幫吓都係形式上嘅表現，最後你都會想自己有個line of sight.

4. 完全信任放手給你的兄弟姊妹。當然你作為策劃者是最清楚每一個細節，但做得你兄弟姊妹的，也是義不容辭5am起身幫你搞好你大日子的! 只要事前好好交代了細節給他們，大日子天冧落黎都唔好理啦，佢哋會幫你頂住!（換係你做姊妹你一樣會咁幫你個friend, right!)

5. 自己真的要將心情放輕鬆點，愉悅點,女孩子的皮膚身體狀態真的很受心情影響，到最後，大日子無野比自己靚來得重要! (對於這點，我真的很後悔壞了自己身子)

Nevertheless, we truly had a blissful and enjoyable wedding day～我到今天仲好似傻婆咁成日望返電話入面D相回味!

但我充心希望各位B2B唔好經歷我婚前一個半月的黑暗，要一直開開心心迎接你的婚姻!