[Plan B] 遲來的體檢 - 出事

成親快一年, 粉紅色的二人生活持續

本來打算過多2,3 年先迎接新生命既我地, 最近從好幾個相若的年紀友人告知不孕, 難受孕的消息, 很替她們難過的同時, 亦敲醒了心入面個鐘 …Oh, will it be us?

終於”的”起心肝去做婚前應該做既嗰個檢查 (拍桌!) 基本項目包括

1.       愛滋 – 無 (抬起胸膛)

2.       梅毒 – 無 (胸膛抬得更高)

3.       地中海貧血 – 無.  但這是隱性的, 本身無貧血不代表無地中海貧血

4.       德國麻疹 – 細路時已種疫苗, 無事

5.       乙型肝炎 – 無帶菌, 但亦無抗體 (香港1988年出世的BB先有接種)

哦里桔帝! 黎緊打6個月打番三支Hepatitis B針就可以啦~ 不過姑娘提醒, 打Hep B針期間如果懷孕咁就要停打, 之前兩針都無效的哦~

除左基本既婚前生育檢查, 相公另外做多左個Sperm Analysis, 因為佢有朋友sperm activity 比較低, 令多年未孕 (所以生唔到仔無好一味賴女人!)  好彩, 相公D科比過到

最後我去做埋一年一度既 Pap Smear check啦, 諗住bingo就可以隨時開工(卷衫袖)  

點知………………………………………………….

一照有三個子宮肌瘤sss  (6cm, 5cm,2cm) !!!!!!!!!!!!

大佬我上年都無架噃,  係邊樹爆出黎?! 我個子宮都係得5cm, 其中一個仲大過我個子宮…really WTX…

醫生同我講應該係良性, 而我無經血量多, 尿頻等 徵狀, 所以唔影響日常生活, 一般係更年期當荷爾蒙減退就會縮小. 都可以生小朋友. 不過因為子宮肌瘤係因荷爾蒙引發, 陀b時會令d肌瘤更大, 有一定既風險… 以我呢個年紀d瘤已經呢個size, 仲要係一年之內發出黎, 要好好考慮係唔係要做手術割除 (頭暈)

諗到距離更年期仲有好一段路, 生b時的風險, 加埋公司的保險全包手術費, 最後都係決定快快手搞掂佢!

 2015年第一單血光之災!