[Plan B] - Get Rid Of 子宮肌瘤 sss!

2015年冧莊犯太歲, 咪話唔信邪 !!! 咁大個女, 都無咩大病痛, 為左個子宮第一次入醫院, 躺上手術床等人劏 [咬唇] 希望事此血光破一破啦(合十, 婆仔mode) -> (原因請看這篇)
 

就醫生建議, 以我子宮肌瘤既大細 (6cm-5cm-2cm)可以做微創, 要全身麻醉.

手術前準備 – Eat like there is no tomorrow!!! 因為緊張表姐已經再三囑咐相公同老爸手術後我要坐月咁坐, 所以係之前個兩個星期, 牛肉、KFC、雞翼搏老命咁食!!!

雖為港島人, 因我的婦科醫生只在仁安同九龍法國掛單, 考慮屋企人探病交通, 選擇了九龍法國.

手術當日入院. 可幸公司保險cover到私家房. 房間頗大亦新淨, 有自己洗手間, 好有privacy

然後梳洗[好後悔無去salon洗個徹底的頭]、抽血量血壓、更衣、著壓力襪就推咗入手術室.  醫生安慰咗幾句，麻醉師就俾我吸麻醉藥, 三下後我全身散軟…繼而失去知覺

起身…醫生話微創手術成功, 開左4個窿…外面傷口嘅痛其實唔係好強烈, 但入面就好似M痛x 5 倍咁痛…但麻醉未過晒, 又訓... 再起身, 居然發現相公同阿妹係度… 嘆緊九龍城清真牛肉餅!!!( 暈) 

第二日已經拆尿喉, 落床行, 仲食咗個粟米龍利飯 (原來手術後都幾飢餓)

第三日已經可以自己上落床去洗手間. 下午出得院